რონალდუს დარტყმა, ნეიმარის დრიბლინგი, მბაპეს სისწრაფე - რიშარლისონმა სრულყოფილი მოთამაშე შეადგინა

ტოტენჰემის თავდამსხმელმა, რიშარლისონ დე ანდრადემ განაცხადა, თუ როგორი უნდა იყოს სრულყოფილი ფეხბურთელი. ბრაზილიელმა ფორვარდმა რამდენიმე მოთამაშის ცალკე აღებული თვისებები აიღო.

"იდეალურ ფეხბურთელს უნდა ჰქონდეს რონალდუს დარტყმა, სილვას ლიდერის თვისებები, კროოსის ინტელექტი, დე ბრუინის პასი და ნეიმარის დრიბლინგი.

ამის გარდა, მბაპეს სისწრაფე, ადრიანოს ფიზიკური სიძლიერე და რიშარლისონის გოლის აღნიშნვის სტილი", - განაცხადა ლონდონური გუნდის შემტევმა პრესასთან საუბარში.

შეგახსენებთ, რომ "სელესაოს" ცხრიანი "დეზებში" თამაშობს 2022 წლიდან და ამ დროის განმავლობაში მან 54 შეხვედრაში 10 გოლის გატანა მოახერხა. სამხრეთ ამერიკელი "სპურსში" ევერტონიდან გადმოვიდა.