რუბენ ნევეში: "საუდის არაბეთში მხოლოდ ფულის გამო არ გადმოვსულვართ, ვინც ამ ლიგაზე ცუდად ლაპარაკობს - ეშინია"

პორტუგალიელი ნახევარმცველი რუბენ ნევეში, რომელმაც ამ ზაფხულს „ვულვერჰემპტონი“ „ალ ჰილალზე“ გაცვალა, აცხადებს, რომ საუდის არაბეთში მხოლოდ ფულისთვის არ მისულა.

„ჩვენ აქ მხოლოდ ფულისთვის არ მოვსულვართ. ძლიერ ლიგაში გადმოვედით, რომელიც მსოფლიოს საუკეთესოებში გარევას ცდილობს. კონკურენცია და ძალა - არ არის რაღაც კონკრეტული ლიგის უნიკალური ნიშანი.

ის, რომ საუდის არაბეთის ლიგაზე ცუდად ლაპარაკობენ, მიანიშნებს იმაზე, რომ ეშინიათ, რომ ყურადღების ცენტრში ვეღარ მოხვდებიან.

საუდის ლიგა ძალიან ძლიერია და მსოფლიოში ერთ-ერთი უძლიერესიც გახდება. წელს თუ არა, უახლოეს ორ წელში მაინც.“, - აღნიშნა „ალ ჰილალის“ ნახევარმცველმა.