რუდი გარსიამ კვარაცხელიას სკამზე დატოვების გადაწყვეტილება განმარტა

რუდი გარსიამ ხვიჩა კვარაცხელია ამ შეხვედრისთვის ძირითად შემადგენლობაში არ დააყენა.

მატჩამდე "ნაპოლის" მთავარმა მწვრთნელმა ქართველი ფეხბურთელის თადარიგში დატოვებაზე კომენტარი გააკეთა. 

"გამორიცხვა ცუდი სიტყვაა. თადარიგში მხოლოდ იმიტომ დავტოვე, რომ კვარამ ამოისუნთქოს და მეორე ტაიმში განსხვავება მოახდინოს. 

გვჭირდებოდა ახალი ძალები, გოლები უნდა გავიტანოთ, საჯარიმოში მეტი ხალხი გვჭირდება, რაც რასპადორისა და სიმეონესთან ერთად უფრო მეტად შესაძლებელია", - თქვა გარსიამ.