ავტორიზაცია
რუი მოტამ გორის დილა დატოვა
ეროვნული ლიგის 2024 წლის სეზონის ლიდერი გორის "დილა" მთავარი მწვრთნელის გარეშე დარჩა.
შიდაქართლული კლუბის ფეისბუქ გვერდის ცნობით, პორტუგალიელმა რუი მოტამ მთავარი მწვრთნელის პოსტი დატოვა.
"კლუბი ცდილობდა დაერწმუნებინა მთავარი მწვრთნელი დარჩენაში, მაგრამ, სამწუხაროდ ეს შეუძლებელი გახდა, ვინაიდან მან გამოიყენა კონტრაქტით გათვალისწინებული მუხლი, რომელიც კლუბის დატოვების უფლებას უტოვებდა, აღნიშნული პუნქტის შეტანა მან ხელშეკრულებაში თავდაპირველადვე მოითხოვა",- წერია კლუბის განცხადებაში.
გორის "დილა" ეროვნული ლიგის სატურნირო ცხრილს 39 ქულით ლიდერობს და უახლოეს მდევარ ქუთაისის "ტორპედოს" ოთხი ქულით უსწრებს.
