საფრანგეთის ნაკრების კარში გატანილი გოლით, ლევანდოვსკიმ პელე ჩამოიტოვა

რობერტ ლევანდოვსკიმ პოლონეთის ნაკრების მაისურით 78-ე გოლი გაიტანა.

„ბარსელონას“ ფორვარმდა 2022 წლის მუნდიალი 2 გოლით მერვედფინალში დაასრულა - მან კატარის კარი აიღო და დღეს საფრანგეთს პენალტი მეორე ცდით გაუტანა.

ამ გოლით ლევანდოვსკიმ ლეგენდარული პელე ნაკრებში გატანილი გოლების რაოდენობით ჩამოიტოვა - პოლონელისთვის ეს 78-ე გოლი იყო, ბრაზილიელმა კი კარიერა 77 გოლით დაასრულა.

ყველა დროის საუკეთესო სანაკრებო ბომბარდირთა სიაში ლევანდოვსკი მე-9 ადგილს ერაყელ ჰუსეინ საიდთან ერთად იყოფს.

ლიდერი კრიშტიანუ რონალდუა 118 გოლით, მეორეზე ირანელი დაეი (109), მესამე პოზიციას კი ლეო მესი (94) იკავებს.