სალიჰამიჯიჩი: "ეს თასი ცალი ხელით ნაგელსმანსაც უნდა ეკავოს, მისი გაშვება ძალიან მძიმედ გადავიტანე"

ჰასან სალიჰამიჯიჩმა, „ბაიერნის“ მორიგი ჩემპიონობის აღნიშვნაზე, იულიან ნაგელსმანი არ დაივიწყა.

მწვრთნელი მიუნხენური კლუბიდან მარტის ბოლოს გაუშვეს, მისი ადგილი კი თომას ტუხელმა დაიკავა.

„ეს ტიტული იულიან ნაგელსმანსაც ეკუთვნის, თასი ცალი ხელით მასაც უნდა ეკავოს.

მინდა, რომ მან იცოდეს: მას ძალიან ვაფასებთ. იულიანთან განშორება ყველაზე მძიმედ გადავიტანე. ის მართლა კარგი ბიჭია და მთელი გულით ვეპატიჟებით ჩემპიონობის აღნიშვნაზე.“, - აღნიშნა ბოსნიელმა, რომელიც „ბაიერნის“ სპორტული დირექტორის თანამდებობას ტოვებს.