ავტორიზაცია
სამტრედიას 2 ტრანსფერი: ფეხბურთელი არგენტინიდან და ტაჯიკეთის ნაკრებიდან
გასულ სეზონში, "სამტრედიამ" მიზანს მიაღწია და ეროვნულ ლიგაში ადგილი შეინარჩუნა, ახალი სეზონისთვის მზადება კი გუნდმა 1-ლი თებერვლიდან დაიწყო.
მათი ცნობით, გუნდში ახალწვეულები არიან, რომელთა შესახებაც კლუბი ინფორმაციას მალე გაავრცელებს, არიან წასული მოთამაშეებიც.
გუნდი დატოვეს: რეზო ლომიძე, სტრაჰინია პავიშიჩი, ალექსანდრ მიშოვი, დათო კირკიტაძე, მატეო ოლატუნჯი, ტანდინა მაჰარაფა, ჯუბა დვალიშვილი, ილია ახვლედიანი, საბა ფირანაშვილი, აბდულა ხაიბულაევი, თორნიკე ახვლედიანი.
GOAL.GE-ს ინფორმაციით, "სამტრედიამ" თურქული "ანტალიასპორიდან" 19 წლის ფეხბურთელი, მუროდალი აკნაზაროვი დაიმატა, რომელიც პოზიციით ნახევარმცველია და ტაჯიკეთის ეროვნული ნაკრების წევრია, სადაც 3 მატჩი აქვს ჩატარებული.
ჩვენივე ინფორმაციით, იმერული კლუბი ერიკ ბარიოსის ტრანსფერსაც ხურავს. ბარიოსი 25 წლის არგენტინელი ფეხბურთელია, რომელსაც თავისი ქვეყნის კლუბებში აქვს ნათამაშები და Transfermarkt-ზე მისი სატრანსფერი ღირებულება 225 ათასი ევროა. მას ამერიკის ჩემპიონთა ლიგაზეც აქვს ნათამაშები და პოზიციით ნახევარმცველია.
