სამუელ ეტო'ო კამერუნის ფეხბურთის პრეზიდენტად აირჩიეს

„ბარსელონას“, „ინტერის“ და სხვა არაერთი ევროპული გუნდის ექს-თავდამსხმელი, სამუელ ეტო’ო, კამერუნის ფეხბურთის ფედერაციის პრეზიდენტად აირჩიეს.

40 წლის ექს-ფეხბურთელმა გამოკითხვაში მოქმედი პრეზიდენტი მბომბუო ნჯოი დაამარცხა - 43 ხმა 31-ს წინააღმდეგ. 

შეგახსენებთ, რომ ეტო’ომ პროფესიონალური კარიერა 2019 წელს დაასრულა. საკლუბო დონეზე ის „რეალში“, „მალიორკაში“, „ბარსელონაში“, „ინტერში“, „ანჟიში“, „ჩელსიში“, „ევერტონში“, „სამპდორიაში“, „ანტალიასპორში“, „კონიასპორში“ და „ყატარში“ თამაშობდა.

ეტო’ომ სამჯერ მოახერხა ჩემპიონთა ლიგის მოგება, სამჯერ გახდა ესპანეთის ჩემპიონი და ერთხელ - იტალიის. სამუელი კამერუნის ისტორიაში საუკეთესო ბომბარდირია, რომლის ღირსებასაც 1996-2014 წლებში იცავდა.