"საოცარია, როგორ ახერხებს ქეცბაია კონფლიქტების ასე მარტივად მოგვარებას", - კვიპროსელები ქართველის შესახებ წერენ
Sport-fm-მა ფამაგუსტას "ანორთოსისის" მთავარ მწვრთნელს, თემურ ქეცბაიას სიახლე მიუძღვნა. კვიპროსულმა გამოცემამ ქართველი სპეციალისტის ერთი დადებითი თვისება გამოარჩია:
"ურთიერთობა, რომელიც ქეცბაიას თავის შეგირდებთან აქვს, სიტყვებით ვერ გადმოიცემა. როგორ ახერხებს ის, რომ ასე მარტივად მოაგვაროს კონფლიქტები და საერთო ენა გამონახოს უთანხმოების მქონე მოთამაშესთან.
ეს იცის მხოლოდ თემურმა, მისი ერთგვარი საიდუმლოა. დოქსასთან თვალშისაცემი იყო ვარდას კადრი, რომელმაც ანორთოსისის მხრიდან მეორე გოლი გაიტანა - ის გაიქცა და ქართველს მოეხვია, მანამდე კი ამ ორს კონფლიქტი ჰქონდა".
შეგახსენებთ, რომ ცოტა ხნის წინ, კვიპროსელთა დამრიგებელს უთანხმოება ნიკა კაჭარავასთანაც მოუვიდა, თუმცა ინციდენტი მალევე ამოიწურა. აქვე დავამატებთ, გასულ სეზონში, 53-წლის მწვრთნელმა "თეთრ-ლურჯებს" ქვეყნის თასი მოაგებინა.
