საოცარი სერია გრძელდება: როდის წააგო ბოლოს საბურთალომ?

პირველი უგოლო ტაიმის შემდეგ, შეხვედრაში ანგარიში 72-ე წუთზე იური ტაბატაძემ პენალტით გახსნა, თერთმეტმეტრიანი ზუსტად შოთა ნონიკაშვილმაც შეასრულა და "საბურთალოს" უპირატესობა გაზარდა.

მატჩის დასრულებამდე რამდენიმე წუთით ადრე, მაისურაძემ სხვაობა შეამცირა, თუმცა ეს საკმარისი არ გამოდგა და "საბურთალომ" 2:1 მოიგო.

აღსანიშნავია, რომ თბილისურ კლუბს უკვე ზედიზედ 11 მატჩია არ წაუგია. ეროვნულ ლიგაში მათ ბოლოს მატჩში წყალტუბოს "სამგურალის" წინააღმდეგ, 9 აპრილს წააგეს.

შემდეგ შეხვედრას "საბურთალო" უშუალო კონკურენტის, გათამაშების ლიდერის, "დინამო ბათუმის" წინააღმდეგ სტუმრად გამართავს.