საოცრად სტაბილური გუნდი: შვეიცარიის ნაკრებს ბოლო 5 დიდ ტურნირზე პლეი-ოფის ეტაპი არ გამოუტოვებია

შვეიცარიის ნაკრები საფრანგეთის ნაკრებთან ერთად გახდა გუნდი, რომელიც ზედიზედ ხუთ სანაკრებო ტურნირზე გავიდა პლეი-ოფში. მათ შორისაა 2014, 2018 და 2022 წლების მსოფლიო ჩემპიონატები, ასევე 2016 და 2020 წლების ევროპის ჩემპიონატები.

საინტერესოა, რომ ევრო 2020-ზე, მერვედფინალურ ეტაპზე, შვეიცარიელებმა პენალტების სერიაში მოქმედი მსოფლიო ჩემპიონი საფრანგეთის ნაკრები ტურნირიდან გამოთიშეს.

შეგახსენებთ, რომ გუშინ ჯგუფური ეტაპის მესამე ტურში შვეიცარიის ნაკრებმა სერბეთის ნაკრები მინიმალური ანგარიშით (3:2) დაამარცხა და მსოფლიო ჩემპიონატის პლეი-ოფში გავიდა. მერვედფინალის ეტაპზე შვეიცარიელები პორტუგალიის ნაკრებთან ითამაშებენ, რომელმაც H ჯგუფში მოიგო.

დღევანდელი მატჩის გარდა, ყატარში გამართულ მსოფლიო ჩემპიონატზე შვეიცარიის ნაკრებმა ჯგუფში კამერუნის ნაკრები დაამარცხა (1:0), შემდეგ კი ბრაზილიის ნაკრებთან დამარცხდა - (0:1).