ავტორიზაცია
საქართველოს 21-წლამდელთა ნაკრები სტუმრად შვედეთთან დამარცხდა
საქართველოს 21-წლამდელთა ნაკრები ევროპის 2025 წლის ჩემპიონატის საკვალიფიკაციო ეტაპის მე-9 ტურში სტუმრად შვედეთის ნაკრებს დაუპირისპირდა და 2:3 დამარცხდა.
რამაზ სვანაძის ნაკრები შეხვედრის მე-13 წუთზე ნოდარ ლომინაძემ დააწინაურა. 23-ე წუთზე ონდრეიკამ წონასწორობა აღადგინა. 39-ე წუთზე კი სვედბერგმა მასპინძლები წინ გაიყვანა.
მეორე ნახევრის სტარტზე შვედებმა უპირატესობა ორბურთიანი გახადეს. 53-ე წუთზე მასპინძელთა მეკარემ დოვინმა ავტოგოლი გაიტანა და საბოლოო ანგარიში დააფიქსირა.
ამრიგად, საქართველოს ახალგაზრდული ნაკრები ბოლო ტურის წინ, 16 ქულით მესამე ადგილზე იმყოფება. ბოლო ტურში შვედები სტუმრად ნიდერლანდების ნაკრებს დაუპირისპირდება. რამაზ სვანაძის გუნდი კი ჩრდ.მაკედონიას უმასპინძლებს.
