"საქართველოს დედაქალაქის ისტორიულ ცენტრში" — ბარსელონა თბილისში ოფიციალური მაღაზიის გახსნას ადასტურებს

ბარსელონას ოფიციალური ვებსაიტი იუწყება, რომ კატალონიურმა გრანდმა 3 ახალი მაღაზიის გახსნა გადაწყვიტა, მათ შორის, საქართველოშიც.

29 მარტს ბარსას ოფიციალური მაღაზია თბილისში გაიხსნება და ეს საზღვარგარეთ ბარსელონას ისტორიაში პირველი მაღაზია იქნება. კატალონიური კლუბი აღნიშნულ ფაქტს ასე ეხმაურება: "თბილისში გახსნილი მაღაზია საქართველოს დედაქალაქის ისტორიულ ცენტრში განთავსდება."

ლოკაცია: კოსტავას 23 ნომერი, ფილარმონიის მიმდებარე ტერიტორია.

აღსანიშნავია, რომ 2 დღის შემდეგ, 1 აპრილს "ბლაუგრანას" მაღაზიას მალაგაშიც გახსნიან, ზაფხულში კი - მალიორკაშიც.