სარეკორდო შეთავაზება იანვარში - ლივერპული ჩუამენის ტრანსფერით ინტერესდება

ლივერპული ორელიენ ჩუამენის ტრანსფერით ინტერესდება და მზადაა, ზამთრის სატრანსფერო ფანჯარაზე კლუბის სარეკორდო შეთავაზება გააკეთოს.

მადრიდის რეალი 2025 წელს შემადგენლობის განახლებას გეგმავს, ფრანგი ნახევარმცველი კი, შესაძლოა, წამსვლელთა სიაში იყოს. თავის მხრივ, ლივერპულს, მარტინ სუბიმენდისგან მიღებული უარის შემდეგ, შუახაზელის შეძენა სურს.

Teamtalk-ის ინფორმაციით, მერსისაიდელები მზად არიან, ინტერესი გაზარდონ. რეალმა ჩუამენის სანაცვლოდ, შესაძლოა, £100 მილიონამდე მოითხოვოს, რაც ლივერპულისთვის სატრანსფერო რეკორდი იქნება.