სასჯელის შემცირების მიუხედავად, პოგბა იუვენტუსში არ დაბრუნდება

პოლ პოგბამ საარბიტრაჟო სასამართლოში დავა მოიგო და 4 წლიანი დისკვალიფიკაცია 18 თვემდე შეუმცირდა.

31 წლის ფრანგი ნახევარმცველი ვარჯიშის განახლებას 2025 წლის იანვრიდან შეძლებს, ხოლო მატჩებში მონაწილეობის მიღების უფლებას მარტიდან მიიღებს.

იტალიური მედიის ცნობით, შემცირებული სასჯელის მიუხედავად, ფეხბურთელი იუვენტუსში აღარ დაბრუნდება და დიდი ალბათობით, კარიერას MLS-ში გააგრძელებს.

შეგახსენებთ, რომ გასულ წელს აღებულ სინჯში, პოლ პოგბას დოპინგის მოხმარება დაუდასტურდა და თავდაპირველად ის მკაცრად, 4 წლიანი დისკვალიფიკაციით დასაჯეს.