საუდის არაბეთი თუ ამერიკის შეერთებული შტატები - რომელს ანიჭებს კევინ დე ბრუინი უპირატესობას?

საშა ტავოლიერის ინფორმაციით, კევინ დე ბრუინი, მანჩესტერ სიტის დატოვების შემთხვევაში, საუდი პრო ლიგასა და MLS-ს შორის, უპირატესობას ამ უკანასკნელს ანიჭებს.

ბელგიელი ფეხბურთელი და თავისი ცოლი ფიქრობენ, რომ მთელი ოჯახისთვის სჯობს, ამერიკის შეერთებულ შტატებში გადაბარგდნენ და არა საუდის არაბეთში. მათი აზრით, ბავშვებისთვის აშშ ბევრად მისაღები ვარიანტი იქნება.

დე ბრუინით სან დიეგო ინტერესდება, რომელმაც მას წელიწადში $20 მილიონი შესთავაზა. 

კევინს სიტისთან კონტრაქტი 2025 წლის 30 ივნისს ეწურება.