საზონოვი მძიმე ტრავმას გადაურჩა - ითამაშებს თუ არა ქართველი მცველი იუვენტუსთან?

საქართველკს ნაკრებისა და "ტორინოს" მცველი საბა საზონოვი მძიმე ტრავმას გადაურჩა და შესაძლოა, შაბათს "იუვენტუსთან" ტურინულ დერბიში ითამაშოს. 

იტალიური მედიის ცნობით, საჭიროა დაკვირვება იმაზე, დაუცხრება თუ არა ტკივილი 21 წლის მცველს, რაც დიდწილად განსაზღვრავს ითამაშებს თუ არა საზონოვი მომდევნო ტურის მატჩში.

ამის შესახებ torino.corriere წერს, რომლის ცნობით, ქართველ მცველს, რომელიც "ვერონასთან" შეხვედრაში დაშავდა, გამოკვლევა ჩაუტარდა და მოტეხილობა არ გამოუვლინდა.

ტურინული დერბი სერია A-ს მე-8 ტურში 7 ოქტომბერს შედგება.

სერია A-ს 7 ტურის შემდეგ "ტორინო" 9 ქულით მე-10 ადგილზეა.