საზონოვის ტრანსფერი ლიონში შეჩერებულია - ამის მიზეზი ცნობილია

ავტორიტეტული გამოცემის L'Équipe-ის ინფორმაციით, საქართველოს ნაკრების და მოსკოვის "დინამოს" მცველის ტრანსფერი "ლიონში" შეჩერებულია.

ეს იმის მიუხედავად, რომ "ლიონი" დიდი ალბათობით ცენტრალურ მცველს კასტელო ლუკებას დაკარგავს, რომელიც კარიერას "ლაიფციგში" გააგრძელებს.

წყაროს ცნობით, საქმე იმაშია, რომ "ლიონს" ზაფხულის სატრანსფერო ფანჯრისთვის ამ ეტაპზე მხოლოდ 9 მილიონი ევრო აქვს დარჩენილი, რაც ტრანსფერის შანსებს ამცირებს.

შეგახსენებთ, რომ ფრანგული გუნდი საზონოვის 3 მილიონ ევროდ ყიდვას და ბელგიურ "მოლენბეკში" იჯარის წესით გაშვებას აპირებდა.