სეზონის კულმინაცია უემბლიზე — ლიგის ფინალში დორტმუნდი რეალს დაუპირისპირდება

ორივე გუნდმა ფინალამდე პლეი-ოფში საკმაოდ რთული გზა გაიარა - დორტმუნდმა პსვ, ატლეტიკო და პსჟ დაამარცხა, ხოლო რეალმა კოპენჰაგენს, მანჩესტერ სიტის და ბაიერნს მოუგო.

არსებობის ისტორიაში დორტმუნდი ჩემპიონთა ლიგის ფინალში მხოლოდ მესამედ გავიდა. 1996/97 წლების სეზონში გერმანულმა კლუბმა იუვენტუსი 3-1 დაამარცხა, ხოლო 2012/13 წლებში ბაიერნთან დამარცხდა.

ბევრად უფრო შთამბეჭდავია რეალის ისტორია - სამეფო კლუბი ჩემპიონთა ლიგის ფინალში 18-ჯერ გავიდა, საიდანაც 14-ჯერ თასის მფლობელი გახდა და მხოლოდ 3-ჯერ დამარცხდა. ბოლოს, რეალი ფინალში 1981 წელს ლივერპულთან დამარცხდა.

— ჩემპიონთა ლიგაზე გუნდები ერთმანეთს სულ 14-ჯერ შეხვდნენ - 6 რეალმა მოიგო, 3 დორტმუნდა, 5 ფრედ დასრულდა
— ჩემპიონთა ლიგაზე დორტმუნდის საუკეთესო ბომბარდირი 24 გოლით მარკო როისია, ხოლო რეალის 105 გოლით კრიშტიანუ რონალდუ
— ჩემპიონთა ლიგა დორტმუნდმა ისტორიაში მხოლოდ ერთხელ მოიგო, ხოლო რეალი ტურნირის გამარჯვებული 14-ჯერ გახდა
— ჩემპიონთა ლიგის ბოლო 4 ფინალში გამარჯვებულის ბედი მხოლოდ ერთმა გოლმა გადაწყვიტა, რომელიც 40-70 წუთების შუალედში გავიდა
— ჩემპიონთა ლიგის ფინალს უემბლი ისტორიაში მერვედ მასპინძლობს - სტადიონზე ბოლო ფინალი 2013 წელს ჩატარდა, სადაც დორტმუნდი ბაიერნთან დამარცხდა

გუნდები: დორტმუნდი V რეალი

ლოკაცია: ლონდონი, უემბლის სტადიონი

დრო: 1 ივნისი, 23:00 (თბილისის დროით)

მთავარი მსაჯი: სლავკი ვინჩიჩი (სლოვენია)