ავტორიზაცია
შახტარის დირექტორი ჩელსიში მუდრიკის რეგრესზე: "ფერარი" არ გჭირდება, თუ მისი ტარება არ იცი
დონეცკის შახტარის გენერალურმა დირექტორმა, სერგეი პალკინმა ჩელსიში მიხაილო მუდრიკის რეგრესის მიზეზი დაასახელა:
"მიხაილო ჩელსის 70+30 მილიონ ევროდ მივყიდეთ. ეს უკრაინის ისტორიაში უდიდესი გარიგებაა.
რაც შეეხება მუდრიკის რეგრესს: "ფერარი" არ გჭირდება, თუ მისი ტარება არ იცი - ჩელსიში მიხაილოს მდგომარეობაზე ჩემი აზრი ესაა.
დარწმუნებული ვარ, თუ მუდრიკი შანსს მიიღებს, თავის შესაძლებლობებს აჩვენებს. ის უნიკალური ფეხბურთელია, რაც უკრაინის ნაკრებშიც ჩანს. მიხაილოს მსგავსი მოთამაშე ძალიან ცოტაა."
მუდრიკი ლონდონურ კლუბში 2023 წლის იანვარში გადავიდა. მას შემდეგ უკრაინელმა შემტევმა პრემიერ ლიგის 50 მატჩში მხოლოდ 5 გოლი გაიტანა.
