"შეიძლება, შტუტგარტში კიდევ ერთი სეზონი დავრჩე", - არსენალის მცველი

"არსენალის" მცველმა, კონსტანტინოს მავროპანოსმა, რომელიც იჯარით "შტუტგარტში" ირიცხება, განაცხადა, რომ გერმანულ გუნდში შეიძლება კიდევ ერთი წელი გაატაროს იჯარით.

"ჯერ არ ვიცი, დავბრუნდები თუ არა "არსენალში". ფეხბურთში ყველაფერი ძალიან სწრაფად იცვლება. "შტუტგარტში" კიდევ 2 თვე მაქვს დარჩენილი".

"არ არის გამორიცხული, მომავალ წელსაც გერმანიაში დავრჩე. თუმცა, მომავალთან დაკავშირებით, კონკრეტული საუბრები "არსენალთან" მოლაპარაკებების შემდეგ იქნება შესაძლებელი", - ციტირებს მავროპანოსის სიტყვებს Bild.

მავროპანოსი "შტუტგარტში" 2020 წლის ზაფხულში გადავიდა. 23 წლის ბერძენმა ამ დროის განმავლობაში 18 მატჩში მიიღო მონაწილეობა.