შემზარავი ინფორმაცია - საბერძნეთის ნაკრების ფეხბურთელი გარდაიცვალა

გავრცელებული ცნობებით, პანათინაიკოსის მარჯვენა მცველი საკუთარი სახლის აუზში გარდაცვლილი იპოვეს. ბოლდოკის გარდაცვალების მიზეზი, ჯერჯერობით, უცნობია. ადგილზე პოლიციაა მობილიზებული. 

ჯორჯმა თითქმის მთელი კარიერა ინგლისში გაატარა. ის ყველაზე დიდხანს მილტონ კეინს დონსსა (2009-2017) და შეფილდ იუნაიტედში (2017-2024) ასპარეზობდა. ასევე უთამაშია ნორთჰემპტონ თაუნში, ტამუორთში, ÍBV-ში, ოქსფორდ იუნაიტედსა და პანათინაიკოსში.

ბოლდოკი ინგლისში დაიბადა და გაიზარდა, მაგრამ ბებიის მხრიდან ბერძნული წარმომავლობა ჰქონდა და საბერძნეთის ნაკრებში თამაშობდა. მან ბოლო სანაკრებო მატჩი თბილისში გამართა - ჯორჯმა დინამო არენაზე, საქართველოს წინააღმდეგ მოედანზე 1 საათი დაჰყო.

ამ სეზონის წინ ბოლდოკმა პანათინაიკოსთან 3-წლიანი კონტრაქტი გააფორმა, მაგრამ მხოლოდ 4 მატჩის ჩატარება მოასწრო.

საბერძნეთის ფეხბურთის ფედერაციამ UEFA-ს სთხოვა, რომ, ჯორჯ ბოლდოკის პატივსაცემად, მომდევნო 2 მატჩში შავი სამკლავურებით თამაშის უფლება მისცეს.