ავტორიზაცია
შესაძლოა, ამის გამო იყიდონ კიდეც - რატომ აღნიშნა მიქაუტაძემ გოლი მსგავს სტილში?
საფრანგეთის ჩემპიონატის გასულ ტურში "მეცი" "სტ.ეტიენს" დაუპირისპირდა და 1:3 გაიმარჯვა.
მატჩის საუკეთესო ფეხბურთელი ჟორჟ მიქაუტაძე იყო, რომელმაც დუბლი გაიფორმა და ბომბარდირებში კიდევ უფრო წინ გაიჭრა.
აღსანიშნავია მიქაუტაძის მიერ გატანილი პირველი გოლის აღნიშვნა, როცა ის მეტოქე გუნდის გულშემატკივრებთან მივიდა და ხელით 69 გააკეთა, რაც სწორედ ლიონის ქალაქის კოდია.
ყველას კარგად მოეხსენება "სტ.ეტიენისა" და "ლიონის" ერთმანეთისადმი მტრული დამოკიდებულება, მიქაუტაძე კი ლიონში დაიბადა, ყველა ინტერვიუში ამბობს, რომ მისი საყვარელი ადგილია და ეს ჟესტიც მისი აღმნიშვნელია.
არ არის გამორიცხული, ამ ბრწყინვალე სეზონისა და გოლის მსგავს სტილში აღნიშვნის გამო, "ლიონმა" მიქაუტაძე იყიდოს კიდეც.
