შესანიშნავი საჩუქარი ნაპოლის — იუვენტუსმა ინტერი დაამარცხა

ძალიან დაძაბული მატჩი იუვეს გამარჯვებით, 1-0 დასრულდა. შეხვედრის ერთადერთი გოლი 74-ე წუთზე გავიდა - რანდალ კოლო მუანის ბრწყინვალე მოძრაობებისა და ასისტის შემდეგ, "ნერაძურის" კარი ფრანსიშკუ კონსეისაუმ აიღო.

ეს დიდებული ამბავია ნაპოლისთვის, რომელიც პირველ ადგილზე დარჩა - "პარტენოპეის" აქტივში 56 ქულაა, ინტერი კი მას 2 ქულით ჩამორჩება.

რაც შეეხება "ბიანკონერის" - ტიაგო მოტას გუნდმა 46 ქულა დააგროვა და მე-4 პოზიციაზე გადავიდა.

მომდევნო ტურში იუვენტუსი კალიარის დაუპირისპირდება, ინტერი ჯენოას შეხვდება, ნაპოლი კი - კომოს.