ავტორიზაცია
შესანიშნავი თამაში ტრანსფერების დეფიციტის ფონზე | არნე სლოტი კრიტიკოსებს ადუმებს
არნე სლოტი ლივერპულში მთავარი ახალი სახეა, რადგან მერსისაიდული გუნდი ჯერ კიდევ ერთადერთი ინგლისური კლუბია, რომელსაც ტრანსფერი არ განუხორციელებია.
სეზონი მალე დაიწყება, ლივერპულის ქომაგებს შორის კი ნერვიულობა იმატებს, რადგან ფიქრობენ, რომ ახალი ფეხბურთელების დეფიციტმა, შესაძლოა, ნიდერლანდელ სპეციალისტს წარმატებული სეზონის ჩატარებაში ხელს შეუშლის. თუმცა, ისიც აღსანიშნავია, რომ იურგენ კლოპმა გუნდი კარგ ფორმაში დატოვა, ჩემპიონთა ლიგაზე დააბრუნა და ახალგაზრდა მოთამაშეებით კარაბაო თასი მოიგო.
მერსისაიდელთა ახალმა სპორტულმა დირექტორმა, რიჩარდ ჰიუზმა განაცხადა, რომ კლუბი, ჯერჯერობით, არ აქტიურობს, მაგრამ სატრანსფერო ფანჯრის დახურვამდე ფანები დიდ ტრანსფერებს უნდა ელოდონ. ამასთან, გუნდს დიდებული პრესეზონი ჰქონდა, რამაც გულშემატკივრებს თავდაჯერებულობა მოუმატა.
შესანიშნავი ამერიკული ტურნე
ამხანაგურ მატჩებს დიდი სერიზულობით არ უნდა შევხედოთ, რადგან გუნდები ძირითადი შემადგენლობებით არ თამაშობენ, მაგრამ ლივერპულმა აშშ-ში ყველა შეხვედრა მოიგო: 1-0 ბეტისთან, 2-1 არსენალთან და 3-0 მანჩესტერ იუნაიტედთან. მათ 6 გოლი გაიტანეს და მხოლოდ 1 გაუშვეს. ამასთან, გუნდმა ბრწყინვალე პერფორმანსები აჩვენა. ასეთი თამაში შთაბეჭდილებას ყველაზე პესიმისტ ადამიანზეც კი მოახდენდა.
სიმშვიდე ბურთის ფლობისას
ლივერპული ყოველთვის იდეალურად ვერ თამაშობს, მაგრამ სლოტის სტილი უკვე შეიმჩნევა. გუნდს ბურთი ძალიან კარგად ეჭირა, დაცვიდან შეტევაში გადასვლაზე იყო ფოკუსირებული და მოწინააღმდეგის ბარიერის გადასალახად სწრაფ პასებს მიმართავდა.
ამერიკაში მერსისაიდელებმა ბრწყინვალე გოლები გაიტანეს, რომლებიც ბურთის მშვიდად ფლობისა და შეტევაში სწრაფად გადასვლის დამსახურება იყო. რიჩარდ ჰიუზმა თქვა, რომ სლოტი კლოპის შემცვლელად მისი სათამაშო ფილოსოფიის გამო აირჩიეს.
არსენალის წინააღმდეგ ლივერპულმა აჩვენა, რომ დაცვიდან შეტევაში სწრაფად გადასვლა შეუძლია, რაც კლოპის გუნდსაც ახასიათებდა. მაგალითად, კაოიმჰინ კელეჰერის ჭკვიანური პასი და დიოგუ ჟოტასა და ჰარვი ელიოტის სწრაფი მოქმედებები მოჰამედ სალაჰს მეტოქის კარის აღებაში დაეხმარა.
სლოტის სტილის ადრეული ნიშნები
არნეს გავლენა იმაშიც ჩანს, რომ ბურთის კონტროლისას, თუ კარგი ვარიანტები არ ჩანს, მცველები ბურთს კელეჰერს უბრუნებენ და სწორი მომენტს ელოდებიან.
ეს სტილი მანჩესტერ იუნაიტედის წინააღმდეგ გამართულ მატჩში ჩანდა. ლივერპული მშვიდი იყო და ბურთს საკუთარ ნახევარზე ინარჩუნებდა, სანამ შეტევის შესაძლებლობა არ გამოჩნდებოდა. ერთ-ერთ ეპიზოდში, რაიან გრავენბერხმა პასი მცველებს გაუკეთა, შემდეგ კი კარგ პოზიციაზე მყოფი ჰარვი ელიოტი იპოვა, რის შემდეგაც მესამე გოლი გავიდა.
ამ შემთხვევაში ელიოტს მეორე შეხება დასჭირდა, მაგრამ სწრაფი პასით მან ბურთის კონორ ბრედლიმდე მიტანაში დიდი როლი ითამაშა. ბრედლიმ მო სალაჰთან კომბინაცია გაითამაშა, რასაც კოსტას ციმიკასის გოლი მოჰყვა.
პერფექციონიზმი
არნე სლოტმა აღიარა, რომ მისმა შეგირდებმა ამერიკულ ტურნეზე დიდებული გოლები გაიტანეს, მაგრამ ის გუნდის პერფორმანსებით ბოლომდე კმაყოფილი არ იყო. მაგალითად, მიუხედავად იმისა, რომ მანჩესტერ იუნაიტედს მოუგეს, ნიდერლანდელი ფიქრობს, რომ ლივერპულმა ბევრი შანსი გაანიავა და საბოლოო ანგარიში ცოტათი მატყუარაა.
სლოტმა ისიც თქვა, რომ მისი გუნდი ხანდახან მატჩის კონტროლს კარგავდა და ამის გამოსწორება სურს. ნიდერლანდელის მიზანია, მეტოქეს ბურთის ფლობის მაჩვენებელი შეუმციროს, რისი მისი ინსპირაცია კი პეპ გვარდიოლაა.
ზოგს სჯერა, რომ სლოტის მიდგომები, შესაძლოა, ფეხბურთელებისთვის უფრო მარტივად შესასრულებელი იყოს, ვიდრე კლოპის ინტენსიური სტილი, რაც ზოგჯერ მოთამაშეებს ღლიდა. მიუხედავად იმისა, რომ ჯერ დასკვნების გამოტანა ადრეა, ჩანს, რომ ლივერპული უფრო კონტროლზე იქნება ორიენტირებული, ვიდრე აგრესიულ თამაშზე.
რამდენიმე ვარსკვლავის გაბრწყინება
სლოტის ლივერპულის საუკეთესო ვერსია ჯერ არ გვიხილავს და ვერ ვიტყვით, პრემიერ ლიგის პირველ ტურში, იფსვიჩის წინააღმდეგ ნიდერლანდელი გუნდს როგორ დააკომპლექტებს.
ჩანს, რომ ელიოტი სლოტის სტილს იდეალურად ერგება. მის სისტემაში ლივერპული 3 მცველით და 4 ნახევარმცველით თამაშობს. შეიძლება ითქვას, რომ მეკარე დამატებითი მცველის ფუნქციასაც კი ასრულებს. ამასთან, რთული გასული სეზონის შემდეგ, სალაჰი კვლავ შესანიშნავად თამაშობს.
პრესეზონზე ჯარელ ქუანსამ დაამტკიცა, რომ ლივერპული მართალი იყო, როცა ის ნიუკასლში ენტონი გორდონის სანაცვლოდ არ გაუშვა. ასევე, ფაბიო კარვალიუმ აჩვენა, რომ გუნდში ადგილის დამკვიდრება შეუძლია - პორტუგალიელმა არსენალსა და იუნაიტედს გაუტანა.
დამაჯერებელი და კონკურენტუნარიანი
ლივერპულის შემადგენლობა ძალიან ღრმაა, ამიტომ კლუბს რამდენიმე ფეხბურთელის გაყიდვა მოუწევს. სლოტს ამერიკულ ტურნეზე 28 მოთამაშე ჰყავდა წაყვანილი, ახლა კი, სანაკრებო ტურნირებიდან სხვების დაბრუნების შემდეგ, შემადგენლობა კიდევ უფრო გაიზარდა.
აგვისტოს ბოლო კვირებში მერსისაიდელთა რიგებში ცვლილებები ნამდვილად იქნება. სავარაუდოდ, სწორედ ახალწვეულებზე იქნება დამოკიდებული, ლივერპულის სეზონი როგორ ჩაივლის.
სლოტს პრემიერ ლიგასთან ადაპტირება მოუწევს და ქომაგები მშვიდად უნდა იყვნენ. სტარტზევე წარმატებების მოლოდინი არარეალისტურია, რადგან მას კლოპის მსგავსი გამოცდილება არ აქვს.
არნემ ფეიენოორდში შესანიშნავად იმუშავა და როგორც პრესეზონზე გამოჩნდა, მისი ლივერპული კონკურენტუნარიანი, სანახაობრივი ფეხბურთის მოთამაშე გუნდია. სლოტის შესაძლებლობების ყველას ჯერ კიდევ არ სჯერა, მაგრამ მან უკვე ბევრი კრიტიკოსი დაადუმა, ყოველ შემთხვევაში, ამ მომენტისთვის.
ლივერპული ახალი სეზონის პირველ ოფიციალურ მატჩს 17 აგვისტოს, 15:30 საათზე, იფსვიჩ თაუნის წინააღმდეგ გამართავს.
სეზონი მალე დაიწყება, ლივერპულის ქომაგებს შორის კი ნერვიულობა იმატებს, რადგან ფიქრობენ, რომ ახალი ფეხბურთელების დეფიციტმა, შესაძლოა, ნიდერლანდელ სპეციალისტს წარმატებული სეზონის ჩატარებაში ხელს შეუშლის. თუმცა, ისიც აღსანიშნავია, რომ იურგენ კლოპმა გუნდი კარგ ფორმაში დატოვა, ჩემპიონთა ლიგაზე დააბრუნა და ახალგაზრდა მოთამაშეებით კარაბაო თასი მოიგო.
მერსისაიდელთა ახალმა სპორტულმა დირექტორმა, რიჩარდ ჰიუზმა განაცხადა, რომ კლუბი, ჯერჯერობით, არ აქტიურობს, მაგრამ სატრანსფერო ფანჯრის დახურვამდე ფანები დიდ ტრანსფერებს უნდა ელოდონ. ამასთან, გუნდს დიდებული პრესეზონი ჰქონდა, რამაც გულშემატკივრებს თავდაჯერებულობა მოუმატა.
შესანიშნავი ამერიკული ტურნე
ამხანაგურ მატჩებს დიდი სერიზულობით არ უნდა შევხედოთ, რადგან გუნდები ძირითადი შემადგენლობებით არ თამაშობენ, მაგრამ ლივერპულმა აშშ-ში ყველა შეხვედრა მოიგო: 1-0 ბეტისთან, 2-1 არსენალთან და 3-0 მანჩესტერ იუნაიტედთან. მათ 6 გოლი გაიტანეს და მხოლოდ 1 გაუშვეს. ამასთან, გუნდმა ბრწყინვალე პერფორმანსები აჩვენა. ასეთი თამაში შთაბეჭდილებას ყველაზე პესიმისტ ადამიანზეც კი მოახდენდა.
სიმშვიდე ბურთის ფლობისას
ლივერპული ყოველთვის იდეალურად ვერ თამაშობს, მაგრამ სლოტის სტილი უკვე შეიმჩნევა. გუნდს ბურთი ძალიან კარგად ეჭირა, დაცვიდან შეტევაში გადასვლაზე იყო ფოკუსირებული და მოწინააღმდეგის ბარიერის გადასალახად სწრაფ პასებს მიმართავდა.
ამერიკაში მერსისაიდელებმა ბრწყინვალე გოლები გაიტანეს, რომლებიც ბურთის მშვიდად ფლობისა და შეტევაში სწრაფად გადასვლის დამსახურება იყო. რიჩარდ ჰიუზმა თქვა, რომ სლოტი კლოპის შემცვლელად მისი სათამაშო ფილოსოფიის გამო აირჩიეს.
არსენალის წინააღმდეგ ლივერპულმა აჩვენა, რომ დაცვიდან შეტევაში სწრაფად გადასვლა შეუძლია, რაც კლოპის გუნდსაც ახასიათებდა. მაგალითად, კაოიმჰინ კელეჰერის ჭკვიანური პასი და დიოგუ ჟოტასა და ჰარვი ელიოტის სწრაფი მოქმედებები მოჰამედ სალაჰს მეტოქის კარის აღებაში დაეხმარა.
სლოტის სტილის ადრეული ნიშნები
არნეს გავლენა იმაშიც ჩანს, რომ ბურთის კონტროლისას, თუ კარგი ვარიანტები არ ჩანს, მცველები ბურთს კელეჰერს უბრუნებენ და სწორი მომენტს ელოდებიან.
ეს სტილი მანჩესტერ იუნაიტედის წინააღმდეგ გამართულ მატჩში ჩანდა. ლივერპული მშვიდი იყო და ბურთს საკუთარ ნახევარზე ინარჩუნებდა, სანამ შეტევის შესაძლებლობა არ გამოჩნდებოდა. ერთ-ერთ ეპიზოდში, რაიან გრავენბერხმა პასი მცველებს გაუკეთა, შემდეგ კი კარგ პოზიციაზე მყოფი ჰარვი ელიოტი იპოვა, რის შემდეგაც მესამე გოლი გავიდა.
ამ შემთხვევაში ელიოტს მეორე შეხება დასჭირდა, მაგრამ სწრაფი პასით მან ბურთის კონორ ბრედლიმდე მიტანაში დიდი როლი ითამაშა. ბრედლიმ მო სალაჰთან კომბინაცია გაითამაშა, რასაც კოსტას ციმიკასის გოლი მოჰყვა.
პერფექციონიზმი
არნე სლოტმა აღიარა, რომ მისმა შეგირდებმა ამერიკულ ტურნეზე დიდებული გოლები გაიტანეს, მაგრამ ის გუნდის პერფორმანსებით ბოლომდე კმაყოფილი არ იყო. მაგალითად, მიუხედავად იმისა, რომ მანჩესტერ იუნაიტედს მოუგეს, ნიდერლანდელი ფიქრობს, რომ ლივერპულმა ბევრი შანსი გაანიავა და საბოლოო ანგარიში ცოტათი მატყუარაა.
სლოტმა ისიც თქვა, რომ მისი გუნდი ხანდახან მატჩის კონტროლს კარგავდა და ამის გამოსწორება სურს. ნიდერლანდელის მიზანია, მეტოქეს ბურთის ფლობის მაჩვენებელი შეუმციროს, რისი მისი ინსპირაცია კი პეპ გვარდიოლაა.
ზოგს სჯერა, რომ სლოტის მიდგომები, შესაძლოა, ფეხბურთელებისთვის უფრო მარტივად შესასრულებელი იყოს, ვიდრე კლოპის ინტენსიური სტილი, რაც ზოგჯერ მოთამაშეებს ღლიდა. მიუხედავად იმისა, რომ ჯერ დასკვნების გამოტანა ადრეა, ჩანს, რომ ლივერპული უფრო კონტროლზე იქნება ორიენტირებული, ვიდრე აგრესიულ თამაშზე.
რამდენიმე ვარსკვლავის გაბრწყინება
სლოტის ლივერპულის საუკეთესო ვერსია ჯერ არ გვიხილავს და ვერ ვიტყვით, პრემიერ ლიგის პირველ ტურში, იფსვიჩის წინააღმდეგ ნიდერლანდელი გუნდს როგორ დააკომპლექტებს.
ჩანს, რომ ელიოტი სლოტის სტილს იდეალურად ერგება. მის სისტემაში ლივერპული 3 მცველით და 4 ნახევარმცველით თამაშობს. შეიძლება ითქვას, რომ მეკარე დამატებითი მცველის ფუნქციასაც კი ასრულებს. ამასთან, რთული გასული სეზონის შემდეგ, სალაჰი კვლავ შესანიშნავად თამაშობს.
პრესეზონზე ჯარელ ქუანსამ დაამტკიცა, რომ ლივერპული მართალი იყო, როცა ის ნიუკასლში ენტონი გორდონის სანაცვლოდ არ გაუშვა. ასევე, ფაბიო კარვალიუმ აჩვენა, რომ გუნდში ადგილის დამკვიდრება შეუძლია - პორტუგალიელმა არსენალსა და იუნაიტედს გაუტანა.
დამაჯერებელი და კონკურენტუნარიანი
ლივერპულის შემადგენლობა ძალიან ღრმაა, ამიტომ კლუბს რამდენიმე ფეხბურთელის გაყიდვა მოუწევს. სლოტს ამერიკულ ტურნეზე 28 მოთამაშე ჰყავდა წაყვანილი, ახლა კი, სანაკრებო ტურნირებიდან სხვების დაბრუნების შემდეგ, შემადგენლობა კიდევ უფრო გაიზარდა.
აგვისტოს ბოლო კვირებში მერსისაიდელთა რიგებში ცვლილებები ნამდვილად იქნება. სავარაუდოდ, სწორედ ახალწვეულებზე იქნება დამოკიდებული, ლივერპულის სეზონი როგორ ჩაივლის.
სლოტს პრემიერ ლიგასთან ადაპტირება მოუწევს და ქომაგები მშვიდად უნდა იყვნენ. სტარტზევე წარმატებების მოლოდინი არარეალისტურია, რადგან მას კლოპის მსგავსი გამოცდილება არ აქვს.
არნემ ფეიენოორდში შესანიშნავად იმუშავა და როგორც პრესეზონზე გამოჩნდა, მისი ლივერპული კონკურენტუნარიანი, სანახაობრივი ფეხბურთის მოთამაშე გუნდია. სლოტის შესაძლებლობების ყველას ჯერ კიდევ არ სჯერა, მაგრამ მან უკვე ბევრი კრიტიკოსი დაადუმა, ყოველ შემთხვევაში, ამ მომენტისთვის.
ლივერპული ახალი სეზონის პირველ ოფიციალურ მატჩს 17 აგვისტოს, 15:30 საათზე, იფსვიჩ თაუნის წინააღმდეგ გამართავს.
