შეთანხმება შედგა — დე ბრუინი კარიერას იტალიის სერია ა-ში გააგრძელებს

ბელგიელი ნახევარმცველი, კევინ დე ბრუინი კარიერას იტალიის სერია ა-ში, კერძოდ ნაპოლიში გააგრძელებს.

კონტრაქტზე ხელის მოწერამდე სამედიცინო და ფორმალური ეტაპი რჩება გასავლელი, ამის შემდეგ კი დე ბრუინი, კლუბთან ორ წლიან ხელშეკრულებას გააფორმებს.

ბელგიელი ფეხბურთელი აქამდე მანჩესტერ სიტის ღირსებას 2015 წლიდან მოყოლებული იცავდა, მან ამ დროის განმავლობაში 422 მატჩი ჩაატარა, სადაც 108 გოლის გატანა და 177 საგოლე გადაცემის გაკეთება შეძლო.