შეთანხმება შედგა — გიორგი მამარდაშვილი ლივერპულის ფეხბურთელია

ლივერპულს და ვალენსიას შორის გიორგი მამარდაშვილის ტრანსფერზე მოლაპარაკებები წარმატებით დასრულდა — ქართველი მეკარე სამედიცინო შემოწმებას უახლოეს საათებში გაივლის და კონტრაქტს მოაწერს ხელს.

გიორგი მამარდაშვილის სანაცვლოდ ვალენსია 35 მილიონ ევროს მიიღებს, რასაც შემდგომი ტრანსფერიდან მიღებული შემოსავლის 10% დაემატება. 23 წლის ქართველი მეკარე კი ლივერპულთან მინიმუმ 4 წლიან კონტრაქტს გააფორმებს.

შეთანხმების მიხედვით, გიორგი მამარდაშვილი მიმდინარე სეზონში ვალენსიაში დარჩება და ლივერპულს 2025/26 წლების პრესეზონზე შეუერთდება.