ავტორიზაცია
შეთანხმება შედგა — მილანი თავდამსხმელის დამატებასთან ახლოს არის
ზამთრის სატრანსფერო ფანჯრის დასრულებამდე რამდენიმე საათია დარჩენილი და მილანი შეტევის გაძლიერებას გეგმავს.
იტალიური მედიის ცნობით, როსონერის ჟან-ფილიპ მატეტას დამატება სურს და კრისტალ პალასთან შეთანხმებას მიაღწია. ასევე შეთანხმებულია პირადი კონტრაქტი თავად ფეხბურთელთან და დარჩენილია დამატებითი სამედიცინო შემოწმების გავლა.
როგორც ირკვევა, პირველადი სამედიცინო შემოწმების დროს, მილანის ექიმებმა მატეტას მუხლზე ტრავმა აღმოაჩინეს და დამატებილით კვლევები გახდა საჭირო. თუ ექიმებმა ტრანსფერს მწვანე შუქი აუნთეს, 28 წლის ფორვარდი როსონერის ფეხბურთელი გახდება.
