შეთანხმება შედგა — ნოტინგემ ფორესტი მანჩესტერ სიტის ფეხბურთელს იმატებს

შეთანხმება შედგა — ჯეიმს მაკატი მანჩესტერ სიტიდან კარიერას ნოტინგემ ფორესტში გააგრძელებს.

მხარეებს შორის გარიგების ყველა დეტალი შეთანხმებულია. ჯეიმსი უახლოეს დღეებში გაემგზავრება ნოტინგემში, სადაც სამედიცინო შემოწმებას გაივლის და კონტრაქტს ხელს მოაწერს. მანჩესტერი ფეხბურთელის სანაცვლოდ დაახლოებით £22-30 მილიონს მიიღებს.

22 წლის ინგლისელი ფეხბურთელი მან სიტის აკადემიის აღზრდილია. მან გუნდის შემადგენლობაში 34 მატჩის ჩატარება მოასწრო და 7 გოლი გაიტანა.