შეთანხმება შედგა — პარი სენ-ჟერმენი დონარუმას შემცვლელს იმატებს

მხარეებს შორის გარიგების ყველა დეტალი შეთანხმებულია, ფეხბურთელი უახლოეს დღეებში გაემგზავრება პარიზში, სადაც სამედიცინო შემოწმებას გაივლის და კლუბთან 5-წლიან კონტრაქტს გააფორმებს.

ლილი, ფრანგი მეკარის სანაცვლოდ პარიზელებისგან დაახლოებით €50-55 მილიონს მიიღებს.

ლუკას შევალიე ლილის აკადემიის აღზრდილია, პირველი გუნდის ღირსებას კი 2022 წლიდან მოყოლებული იცავდა. ფეხბურთელმა ამ დროში 127 მატჩის ჩატარება მოასწრო, კარი მშრალად კი 44-ჯერ შეინახა.