შეთანხმება შედგა — ცნობილია სად გააგრძელებს ტერ შტეგენი კარიერას

მხარეებს შორის გარიგების ყველა დეტალი შეთანხმებულია, გერმანელს ახალ კლუბში უკვე ელოდებიან, სადაც სამედიცინო შემოწმებას გაივლის და კონტრაქტს ხელს მოაწერს. ტერ შტეგენი ჟირონას იჯარის წესით შეუერთდება. 

მარკ-ანდრე ტერ შტეგენი კატალონიელთა ღირსებას 2014 წლიდან მოყოლებული იცავდა, მას გუნდის შემადგენლობაში 423 მატჩი აქვს ჩატარებული, საიდანაც კარი 176-ჯერ შეინარჩუნა მშრალად.

ბოლო მომენტში რაიმე გაუთვალისწინებელი თუ არ მოხდა, ჟირონა მარკ-ანდრე ტერ შტეგენს ტრანსფერს მიმდინარე კვირაში ოფიციალურად დაადასტურებს.