შეუჩერებელი რონალდუ - 36 წლის კრიშტიანუს ბრწყინვალე შედეგი სერია ა-ში

"იუვენტუსის" თავდამსხმელმა, კრიშტიანუ რონალდუმ სერია ა-ს 23-ე ტურში "კროტონესთან" (3:0) გამართულ მატჩში დუბლი შეასრულა.

ასე და ამგვარად, 36 წლის პორტუგალიელმა სუპერვარსკვლავმა იტალიის ჩემპიონატის მე-18 გუნდის კარის აღებაც მოახერხა.

"კროტონე" ევროპის ტოპ 5 ჩემპიონატიდან 78-ე გუნდი გახდა, რომელსაც კრიშტიანუმ გაუტანა.

რონალდუ "იუვენტუსში" "რეალიდან" 2018 წელს გადავიდა. მიმდინარე სეზონში მან ყველა ტურნირზე ერთად ტურინელთა ღირსება 28 შეხვედრაში დაიცვა, 25 გოლი გაიტანა და 4 შედეგიანი გადაცემა გააკეთა.