ავტორიზაცია

შევძლებთ თუ არა მიქაუტაძის შენარჩუნებას? - მეცის პრეზიდენტის კომენტარი

შევძლებთ თუ არა მიქაუტაძის შენარჩუნებას? - მეცის პრეზიდენტის კომენტარი
თარიღი 03 ივნ 2023, 20:16
"მეცის" პრეზიდენტმა ბერნარ სერენმა გუნდის ლიდერისა და საფრანგეთის ლიგა 2-ის საუკეთესო ფეხბურთელის გიორგი მიქაუტაძის მომავალზე ისაუბრა. 

"შევძლებთ თუ არა მიქაუტაძის შენარჩუნებას? მგონია, რომ ეს რთული იქნება, რადგან იმ შემთხვევაშიც, თუ ლიგა 1-ში გადავალთ, მის დასაკმაყოფილებლად სათანადო ფინანსური შესაძლებლობები არ გვექნება.

როდესაც კლუბი დიდი წინადადებით მოგმართავს, ეს ნიშნავს, რომ ხელფასი რომელსაც გუნდი ფეხბურთელს პირდება, ასევე საკმაოდ სოლიდურია.

ამ დროისთვის მის ტრანსფერთან დაკავშირებით არანაირი შეთავაზება არ ყოფილა. ", - განაცხადა მეცის პრეზიდენტმა. 

მიქაუტაძეს კლუბთან კონტრაქტი 2026 წლის 30 ივნისამდე აკავშირებს, მაგრამ დიდი ალბათობით ქართველი ზაფხულში კლუბს შეიცვლის.

ლიგა 2-ის გათამაშებაში 22 წლის თავდამსხმელმა, 37 მატჩში 23 გოლი გაიტანა და 8 საგოლე პასი გააკეთა.