შთამბეჭდავი XI, რომელსაც ინგლისის ნაკრებში თამაში შეეძლო

მეტიც, ისინი ირლანდიის ეროვნულ გუნდშიც თამაშობდნენ - რაისს მათ რიგებში 3 მატჩი აქვს ჩატარებული, გრილიში კი ირლანდიის 21-წლამდელთა ნაკრებში ასპარეზობდა. ირლანდიელთა ფანები ასეთი ფეხბურთელების დაკარგვით იმედგაცრუებულნი დარჩნენ. თუმცა, აღსანიშნავია, რომ თავად ინგლისსაც არაერთი მოთამაშე დაუკარგავს.

BBC იმ ფეხბურთელთა თერთმეტეულს გვთავაზობს, რომლებსაც "სამი ლომის" არჩევა შეეძლოთ, მაგრამ სხვა ნაკრების ღირსებას იცავენ/იცავდნენ:

შმეიხელი კოპენჰაგენში დაიბადა, მაგრამ ცხოვრების უდიდესი ნაწილი ინგლისში გაატარა, რადგან მამამისი, პეტერ შმეიხელი პრემიერ ლიგაში თამაშობდა და თავად კასპერიც 16 წლის განმავლობაში ინგლისში თამაშობდა. 2007 წელს პეტერმა თქვა: "ინგლისი ინგლისელი ხალხისთვისაა. კასპერი დანიელად დაიბადა, მთელი ოჯახი დანიელები ვართ, შესაბამისად, მას ინგლისელად ვერაფერი აქცევს." კასპერს, რომელიც სელტიკში ასპარეზობს, დანიის ნაკრებში 106 მატჩი აქვს ჩატარებული.

ასტონ ვილას მარჯვენა მცველი ინგლისში დაიბადა და მთელი ცხოვრება სწორედ იქ გაატარა, თუმცა ინგლისის ნაკრებში არ გამოუძახებიათ და 24 წლის ასაკში პოლონეთის ნაკრებში თამაში გადაწყვიტა. ქეშმა პოლონეთის მოქალაქეობა მიიღო, რადგან დედამისი პოლონელია. პოლონეთის ეროვნულ გუნდში მეტის აქტივში 15 მატჩია.

მორგანი, რომელიც წლების განმავლობაში ლესტერში თამაშობდა, ინგლისში დაიბადა, მაგრამ მისი წინაპრები იამაიკიდან იყვნენ. უესმა იამაიკის ნაკრებში 30 მატჩი ჩაატარა.

ბრენტფორდის ცენტრალური მცველი ლონდონელია, მაგრამ იამაიკის ნაკრებში თამაშობს, რადგან მამის მხრიდან იამაიკელია. 2016 წელს მან 1 მატჩი ინგლისის C ნაკრებში გამართა.

ფულემის მარცხენა მცველი ლივერპულში გაიზარდა, მაგრამ აშშ-ის ნაკრები აირჩია. მამამისი ინგლისში დაიბადა, მაგრამ ამერიკის მოქალაქე იყო, რადგან იქ გაიზარდა. რობინსონმა ინგლისის 21-წლამდელთა ნაკრებში თამაშზე უარი თქვა, რადგან ამერიკის შეერთებულმა შტატებმა მეტი ინტერესი გამოიჩინა და 18-წლამდელთა ნაკრებში ათამაშა. ეროვნულ გუნდში მის ანგარიშზე 46 მატჩია.

შოტლანდიელი ნახევარმცველი, რომელიც ზაფხულის სატრანსფერო ფანჯარაზე მანჩესტერ იუნაიტედიდან ნაპოლიში გადავიდა, ლანკასტერში დაიბადა, მაგრამ შოტლანდიელი მამა ჰყავს. სკოტმა თქვა, რომ ყოველთვის შოტლანდიის ნაკრებში თამაში სურდა. 2018 წელს მას გარეთ საუთგეიტი დაუკავშირდა, მაგრამ მაკტომინეიმ უარი უთხრა.

2006 წლის მსოფლიო ჩემპიონი მანჩესტერში დაიბადა, მაგრამ მოგვიანებით მისი მშობლები იტალიაში დაბრუნდნენ. პეროტას იტალიის ნაკრებში 48 მატჩი აქვს ჩატარებული და სერია A-ს რამდენიმე კლუბში უთამაშია, მათ შორის, იუვენტუსსა და რომაში.

სავარაუდოდ, ინგლისის ნაკრებისთვის ყველაზე დიდი დანაკარგი სწორედ მუსიალაა. ბაიერნის შემტევი ნახევარმცველი ამჟამად მსოფლიოში ერთ-ერთი საუკეთესო ფეხბურთელია. ის ინგლისის 15 და 21-წლამდელთა ნაკრებებში თამაშობდა, მაგრამ როცა საქმე ეროვნულ გუნდამდე მივიდა, გერმანია აირჩია. მუსიალას მამა ნიგერიელია, დედა კი - გერმანელი, ის შტუტგარტში დაიბადა, მაგრამ ინგლისში გაიზარდა.

ლევერკუზენის ფლანგელი ნიდერლანდებში დაიბადა და წარმოშობით განელია, მაგრამ მან ცხოვრების ნახევარზე მეტი ინგლისში გაატარა. ჯერემის მშობლები, როცა ის 7 წლის იყო, ინგლისში გადაბარგდნენ. ფრიმპონგმა მანჩესტერ სიტის აკადემიაში თითქმის 10 წელი გაატარა, შემდეგ კი 2 წლით სელტიკში წავიდა. ფეხბურთელმა განაცხადა, რომ ინგლისის ნაკრებში თამაში შეეძლო, მაგრამ თავს ნიდერლანდელად გრძნობდა და გასულ წელს "ნარინჯისფერთა" რიგებში მისი დებიუტი შედგა.

"ბებიაჩემი ინგლისელი იყო, მაგრამ მე უელსელი ვარ და ამით ვამაყობ," - თქვა ბეილმა, რომელიც უელსის ნაკრებში ჩატარებული მატჩებით ლიდერია. უელსმა ისტორიაში 4 დიდ ტურნირზე ითამაშა, მათგან სამში კი გარეთი მონაწილეობდა. ბეილმა საფეხბურთო კარიერა 2022 წლის მსოფლიოს ჩემპიონატის შემდეგ დაასრულა.

მანჩესტერ სიტის თავდამსხმელი ლიდსში დაიბადა და ინგლისის ნაკრებში თამაში შეეძლო. მამამისი, ალფ-ინგე ჰოლანდი წლების განმავლობაში პრემიერ ლიგაში თამაშობდა. ერლინგის ოჯახი, როცა ის 3 წლის იყო, ნორვეგიაში დაბრუნდა. "მამაჩემი ინგლისში უფრო დიდხანს რომ დარჩენილიყო, არავინ იცის, რა მოხდებოდა. ალბათ, ინგლისელი ვიქნებოდი, თუმცა ზუსტად არ ვიცი. მაგრამ ვამაყობ, რომ ნორვეგიელი ვარ," - თქვა ჰოლანდმა. ნორვეგიის ეროვნულ გუნდში მის ანგარიშზე 34 მატჩი და 31 გოლია.

ასევე უნდა ვახსენოთ: მანუელ ალმუნია, ვილფრიდ ზაჰა, ევან ფერგიუსონი, არმანდო ბროია, ფლორიან ბალოგუნი, იუნუს მუსა, ვიქტორ მოზესი, ჯოვანი რეინა, ეშლი უილიამსი.