შტუტგარტის თავდამსხმელმა ბაიერნთან მატჩში სერიოზული ტრავმა მიიღო

"შტუტგარტის" თავდამსხმელი, სილას ვამანგიტუკა გუნდს დიდი ხნით გამოაკლდა.

როგორც კლუბის ოფიციალური საიტი იუწყება, 21 წლის კონგოელმა "ბაიერნთან" (0:4) გამართულ გუშინდელ მატჩში სერიოზული ტრავმა მიიღო.

სამედიცინო შემოწმების გავლის შემდეგ, ვამანგიტუკას მარჯვენა ფეხის მუხლის სერიოზული დაზიანება დაუდგინდა. იგი რამდენიმე თვეს იუქმებს და შესაბამისად, ამ სეზონში ვეღარ ითამაშებს.

"შტუტგარტის" ფორვარდმა მიმდინარე სეზონში ბუნდესლიგაში 25 მატჩი ჩაატარა, 11 გოლი გაიტანა და 4 შედეგიანი გადაცემა გააკეთა.