ავტორიზაცია
"შურისძიება ენდომება", - ფრანგმა ემანუელ პეტიმ ნეიმარს გუნდი ურჩია
ფრანგ ექს-ფეხბურთელს, ემანუელ პეტის მიაჩნია, რომ ნეიმარს ლონდონის არსენალი ძალიან მოუხდებოდა.
როგორც ცნობილია, ბრაზილიელმა პარიზის დატოვება მას შემდეგ გადაწყვიტა, რაც კლუბის ქომაგებმა მის სახლთან საპროტესტო აქცია გამართეს და წასვლისკენ მოუწოდებდნენ.
„ვფიქრობ, ნეიმარი ნებისმიერ ტოპ-კლუბს მოუხდებოდა. მის არსენალში ხილვას ვისურვებდი და დარწმუნებული ვარ, მას იქ ძალიან მოეწონებოდა. მისთვის არსენალის ტექნიკური სათამაშო სტილი მოსაწონი იქნებოდა. თავად ის უკვე საკმაოდ ასაკიანია და თავისზე ბევრად ახალგაზრდებთან თამაშითაც მოიხიბლებოდა.
ამასთან, მას მუნდიალზე და პსჟ-ში დაღვრილი ცრემლებისთვის შურისძიება ენდომება და ვფიქრობ, არსენალში გადასვლა გააბედნიერებს. მას შეუძლია თამაში როგორც მარჯვნივ, ისე მარცხნივ, ხოლო ტერფის მუდმივი ტრავმის გამო, როტაციის ფეხბურთელიც შეიძლება იყოს.", - აღნიშნა ფრანგმა ექს-ფეხბურთელმა.
