სიგიჟე ჩემპიონთა ლიგაზე — ბარსელონამ 9-გოლიან ლისაბონურ თრილერში ბენფიკა 5-4 დაამარცხა

თარიღი: 22 Jan 2025, 02:45

ბარსელონამ ჩემპიონთა ლიგაზე ყველა დროის ერთ-ერთი საუკეთესო ქამბექი შემოგვთავაზა — გუნდი გასვლაზე, ლისაბონში, ბენფიკასთან 1-3-ს აგებდა, შემდეგ 2-4-საც, თუმცა არ დანებდა, ჯერ ანგარიში გაათანაბრა, მატჩის ბოლო წამებზე კი 5-4 მოუგო.

მე-2 წუთზე ვანგელის პავლიდისმა ბენფიკა დააწინაურა {1-0}, მე-13-ზე რობერტ ლევანდოვსკიმ გაათანაბრა {1-1}, 22-ე და 30-ე წუთებზე კი პავლიდისმა კიდევ 2 გოლი გაიტანა და პორტუგალიური გუნდი შესვენებაზე ორბურთიანი სხვაობით გავიდა — 3-1.

მეორე ტაიმში, ანატოლი ტრუბინის შეცდომის შემდეგ, რაფინია ბელოლიმ (64') საჯარიმოს გარედან თავით გაიტანა და 1 ბურთი გაქვითა {3-2}, მაგრამ მალევე, რონალდ არაუხოს (68') ავტოგოლით ბრუნო ლაჟის შეგირდებმა წონასწორობა კვლავ ორამდე აიყვანეს {4-2}. 78-ე წუთზე ლევანდოვსკიმ პენალტით სხვაობა ისევ შეამცირა {4-3}, 87-ე წუთზე ერიკ გარსიამ ანგარიში გაათაბარა {4-4}, 96-ე წუთზე კი ბარსელონამ მეტოქე კონტრშეტევაზე დაიჭირა და რაფინიამ გიჟური საღამო ლეტალური დარტყმითა და გამარჯვების გოლით დააგვირგვინა — 5-4!