"სირცხვილია", - მალინოვსკის მეუღლის გაცხარებული რეაქცია იმ ფაქტზე, რომ რუსლანს რუსი უწოდეს

„მარსელის“ ნახევარმცველის, რუსლან მალინოვსკის მეუღლემ კომენტარი გააკეთა იმაზე, რომ მის მეუღლეს რუსი უწოდეს.

უკრაინელმა ფეხბურთელმა გუშინ „კლერმონის“ წიანაღმდეგ ლიგა 1-ს მორიგ ტურში სრული მატჩი ჩაატარა.

36-ე წუთზე რუსლან მალინოვსკიმ ჯარიმა კარს საგრძნობლად გადააცილა. ინგლისურენოვანი არხის beIN Sports-ის კომენტატორმა თქვა: „რუსი ურტყამს. ბურთმა თითქმის მოსკოვამდე ჩააღწია.“

„რა უბედურებაა? რუსი? ასეთი არაკომპეტენტური ხალხი ასეთი დონის მატჩებზე არ უნდა მუშობდეს. სირცხვილია.“, - წერს როქსანა მალინოვსკაია ინსტაგრამზე.