"სიტყვებით ვერ გადმოვცემ იმას, რასაც ხოჭოლავა გრძნობს", - კოპენჰაგენის მხარდაჭერა ქართველ მცველს
"კოპენჰაგენის" მარცხენა მცველმა, ნიკოლაი ბოილესენმა თავისი თანაგუნდელის, დავით ხოჭოლავას შესახებ განცხადება გააკეთა. შეგახსენებთ, ქართველმა ცენტრალურმა მცველმა უკრაინას მხარი დაუჭირა.
"ხოჭოლავა საოცრად ძლიერი ბიჭია დიდი გულით, მას არაფრის ეშინია არც მოედანზე და არც მინდორს მიღმა. საუკეთესო რამ, რაც შეიძლება დავითის მიმართ გავაკეთოთ არის ის, რომ მის გვერდით დავდგეთ მთელი გუნდი.
მივცეთ ქართველ ცენტრალურ მცველს დრო და თავისუფლება, ეს მისთვის საჭიროა. ჩვენი გუნდის უკანახაზელის მამა და მისი მეუღლის მშობლები უკრაინაში იმყოფებიან, სადაც საომარი მოქმედებები მიმდინარეობს.
ვერ გეტყვით იმას, რასაც კოპენჰაგენის ხუთიანი გრძნობს. ცხადია, მისთვის მძიმე პერიოდია. თანავუგრძნობთ 29-წლის ცენტრბექს, მის გვერდით ვართ", - განაცხადა დანიელმა.
შეგახსენებთ, რომ ხოჭოლავა 2015-2021 წლებში ასპარეზობდა სწორედ უკრაინაში, დონეცკის "შახტარსა" და ოდესის "ჩერნომორეცში". როგორც "ლომების" განაპირა მცველმა აღნიშნა, ქართველის ოჯახის წევრები ახლაც უკრაინაში არიან.
