ავტორიზაცია
Sky Sport: ვენის რაპიდმა გეილისთვის ბრძოლა მოიგო! - რამდენს გამოიმუშავებს გორის დილა ბარბადოსელის ტრანსფერიდან?
როგორც Sky Sport Austria იტყობინება, ვენის "რაპიდმა" გორის "დილას" ბარბადოსელი გარემარბის ტიერი გელისთვის ბრძოლა მოიგო. წყაროს ცნობით, ავსტრიული გუნდი შიდაქართლულ გუნდს 800 000 ევროს გადაუხდის.
სხვა ავსტრიული გამოცემა უფრო მეტ დეტალზე წერს. KURIER-ს ვერსიით "რაპიდი" ტრანსფერში 700 000 ევროს გადაიხდის. ჟურნალისტი ალექსანდრ ჰუბერი წერს, რომ ფეხბურთელის მიმართ 3-თვიანმა ინტერესმა შედეგი გამოიღო. იმის მიუხედავად, რომ მარკუსკაზერი ოთხშაბათს უკიდურესად სკეპტიკურად იყო განწყობილი.
ვენის "რაპიდის" სპორტული დირექტორი სამი თვე უშედეგოდ ცდილობდა მოთამაშის დარწმუნებას, რადგან მისი ტრანსფერით ფინანსურად უფრო ძლიერი კლუბები ინტერესდებოდნენ. ერთ-ერთი ასეთი კლუბი პოლონეთის ჩემპიონი "რაკუვი" იყო, რომელიც 21 წლის შემტევის ტრანსფერში გავრცელებული ინფორმაციით 1.2 მილიონ ევროს იხდიდა.
ხუთშაბათს, ბარბადოსელმა ფეხბურთელმა ყველა მსურველს უარი უთხრა, გეილს არ სურს პოლონურ კლუბთან ვაჭრობის მონაწილე იყოს.
ეს სატრანსფერო თანხა საკმაოდ ხელმისაწვდომია ჰუტელდორფერისთვის, რადგან ავსტრიელებმა კონფერენს ლიგის ფლეი-ოფში გააღწიეს, სადაც "ფიორენტინასთან" პირველ მატჩში მინიმალურად (1:0) გაიმარჯვეს.
ავტორი: ზაქრო გალუსტაშვილი
