ავტორიზაცია
სლუცკი: "ხვიჩას წასვლამდეც ველაპარაკე და წასვლის შემდეგაც - დეტალებს ჩემთვის დავიტოვებ"
„რუბინის“ მთავარმა მწვრთნელმა, ლეონიდ სლუცკიმ აღიარა, რომ ხვიჩა კვარაცხელიას ესაუბრა.
როგორც იცით, ქართველმა ფეხბურთელმა „რუბინთან“ კონტრაქტი ოფიციალურად გაწყვიტა და „დინამო ბათუმთან“ 2-წლიანი კონტრაქტი გააფორმა, თუმცა დიდი ალბათობით ზაფხულში სხვა რომელიმე ევროპულ გუნდში გადავა.
„ხვიჩას წასვლამდეც ვესაუბრე და წასვლის შემდეგაც. თუმცა, ამ დიალოგის დეტალებს ჩემთვის დავიტოვებ.“ - აღნიშნა სლუცკიმ.
კვარაცხელია „რუბინში“ 2019 წლიდან თამაშობდა და უკრაინაში საომარი ქმედებების დაწყების გამო, რუსულ გუნდთან კონტრაქტი ჯერ შეაჩერა, შემდეგ კი გაწყვიტა კიდეც.
