ავტორიზაცია

SMH Sports-ის მხარდაჭერით, თბილისში საფეხბურთო ფესტივალი Grassroots Cup ტარდება

SMH Sports-ის  მხარდაჭერით, თბილისში საფეხბურთო ფესტივალი Grassroots Cup ტარდება
თარიღი 13 ივნ 2024, 18:05
ბავშვთა ფეხბურთის განვითარების, პატარა ფეხბურთელების დამეგობრებისა და შესაძლებლობების გამოვლენის მიზნით, წელს მეორედ საფეხბურთო ფესტივალი, Grassroots Cup-ი იმართება. ტურნირს ინტერის აკადემია მასპინძლობს.

შეჯიბრში 2014-2015-2016-2017 წელს დაბადებული ფეხბურთელები, საქართველოს სხვადასხვა რეგიონიდან, მონაწილეობენ. ფესტივალი10 ივნისს დაიწყო და 15 ივნისს დასრულდება.

Grassroots Cup SMH Sports-ის მხარდაჭერით ტარდება.

Grassroots Cup-ის პირველი ტურნირის გამოცდილებისა და ბავშვთა ჩართულობის შესახებ, Goal.ge-სთან საფეხბურთო ფესტივალის ორგანიზატორმა, ზუკა დვალიშვილმა ისაუბრა.

- Grassroots Cup Georgia წელს მეორედ იმართება, რა გიჩვენათ პირველმა ტურნირმა?

- შარშანდელმა წელმა გვიჩვენა თუ რაოდენ საჭიროა ასეთი ტურნირების ჩატარება. ნამდვილი საფეხბურთო ზეიმი გამოგვივიდა, რადგან მაღალ დონეზე იყო ორგანიზებული და 700 ბავშვთან ერთად, მთლიანად ჩართულები იყვნენ მათი მშობლებიც, რაც ძალიან კარგ საფეხბურთო ატმოსფეროს ქმნიდა.

- რატომ გადაწყვიტეთ საქართველოში ბავშვ ფეხბურთელთა შორის ჩაგეტარებინათ Grassroots Cup Georgia?

- ეს გადაწყვეტილება ძირითადად განაპირობა ასეთი მასშტაბური სახის ტურნირების სიმცირემ. ჩვენ საშუალება მივეცით რამდენიმე ასაკს მიეღო მონაწილეობა ტურნირში რაც მათი გამოცდილებისთვის იდეალური შესაძლებლობაა.



- 60 მეტი გუნდი მონაწილეობს წელს ტურნირში, წინა წლის მაჩვენებელი გაზრდილია?

- დიახ საგრძნობლად გაზრდილია და ეს ძალიან სასიხარულოა. მსურველი ბევრი იყო და მთავარი ის არის, რომ ყველას სურს მონაწილეობის მიღება და შეთავაზებასაც ყველა სიამოვნებით თანხმდება მათ შორის რა თქმა უნდა რეგიონების გუნდები.

- Grassroots Cup Georgia რა ახალ შესაძლებლობებს სთავაზობს ტურნირის მონაწილეებს?

- პირველ რიგში ეს ტურნირი მიზნად ისახავს ამ ბავშვების დამეგობრებას, მოედანზე და მის ფარგლებს გარეთ. ამასთან, ძალიან კარგი შესაძლებლობაა თავის გამოჩენის და გამოცდილების მიღების, რადგან ამ ასაკობრივი კატეგორიისთვის ამ ეტაპზე უმთავრესია მაქსიმალურად ბევრი თამაშის ჩატარება.

- მსგავს ტურნირებზე რამდენად მნიშვნელოვანია კერძო სექტორი ჩართულობა და მხარდაჭერა?

- თუ კერძო სექტორის თანადგომა არ იქნება, ძალიან გართულდება ასეთი მასშტაბური ტურნირების ჩატარება, რადგან არა თუ რეგიონებიდან მოხერხდება გუნდების ჩამოყვანა, ადგილობრივებსაც ვერ მოვიწვევთ. ჩვენ მაქსიმალურად ვცდილობთ, კერძო სექტორის მონაწილეობას და ძალიან ბევრი კომპანია გვთანხმდება თანამშრომლობაზე, მათ შორისაა SMH Sports-ი, რისთვისაც მათ მინდა მადლობა გადავუხადო. SMH Sports-ის ჩართულობა, განსაკუთრებით მნიშვნელოვანი და პრესტიჟულია, რადგან ამ კომპანიამ არაერთი წარმატებული და ქვეყნისთვის აუცილებელი სპორტული პროექტი განახორციელა და მათი როლი ქართული სპორტის განვითარებაში ძალიან მნიშვნელოვანი და დასაფასებელია. Ასე პსროექტის მხარდამჭერია TBC ბანკი და მადლობა მათ, კერძო სექტორის მხარდაჭრა განსაკუთრებით მნიშვნელოვანია, რაც ზრდის პროექტის მასშატაბებსა და მონაწილეთა ჩართულობას.