სონის მორიგი აღიარება - კორეელმა რონალდუც კი ჩამოიტოვა

ჰოტსპურის უცვლელმა ლიდერმა მოაგროვა ხმათა რაოდენობის 22.9%, რითაც მან ჩამოიტოვა თანამემამულე კიმ მინ ჯე (19.54%) და კრიშტიანუ რონალდუ (17.06%).

ისმის კითხვა - რა კავშირშია პორტუგალიელი გოლეადორი აღნიშნულ დაჯილდოვებასთან? საქმე ისაა, რომ აზიის საუკეთესო ფეხბურთელი შეიძლება გახდეს როგორც ამ კონტინენტის წარმომადგენელი, ასევე ის, ვინც თამაშობს ამ რეგიონის კლუბში, ასეთია წესები.

მადრიდის რეალის ყველა დროის საუკეთესო ბომბარდირი კი ამჟამად თამაშობს ალ-ნასრში, რომელიც სწორედ აზიის კონფედერაციაში გამოდის. შეგახსენებთ, ლეგენდარული 7-იანი არაბეთში 2023 წლიდან თამაშობს.

დავუბრუნდეთ უკვე ლონდონური კლუბის შვიდიანს, რომელიც ჰარი კეინის მიუნხენის ბაიერნში გადასვლის შემდეგ, თავისი გუნდის მთავარი მოთამაშე გახდა.

აზიელი ფორვარდი "სპურსში" ასპარეზობს 2015 წლიდან და ამ დროის განმავლობაში მან 393 შეხვედრაში 157 გოლის გატანა მოახერხა. 31-წლის შემტევი "დეზებში" ლევერკუზენის ბაიერიდან გადავიდა.