"სპორტინგში დაბრუნებას აზრი არ აქვს" | კრიშტიანუ რონალდუ

პორტუგალიელმა ლეგენდამ, კრიშტიანუ რონალდუმ Canal 11-თან ინტერვიუში სპორტინგში შესაძლო დაბრუნებაზე ისაუბრა.

"სპორტინგის მატჩების ყურება მიყვარს, ეს ჩემი გუნდია... მაგრამ იქ დაბრუნებას არ ვფიქრობ, რადგან მიმაჩნია, რომ მსგავს რაღაცას აზრი არ აქვს. რა თქმა უნდა, პორტუგალია ჩემი ქვეყანაა, მაგრამ ყველაფერს თავისი დრო და ლიმიტი აქვს," - განაცხადა რონალდუმ.

კრიშტიანუ სწორედ სპორტინგის აღზრდილია. ის ლისაბონური კლუბის პირველ გუნდში 2002-2003 წლებში თამაშობდა, რის შემდეგაც მანჩესტერ იუნაიტედში გადავიდა.