სუპერ მატჩი ეროვნულ ლიგაში: სამგურალმა უხვგოლიან შეხვედრაში გაგრა დაამარცხა

შეხვედრა უხვგოლიანი გამოვიდა და წყალტუბოლეთა მინიმალური გამარჯვებით 4:3 დასრულდა.

შეხვედრაში ანგარიში 27-ე წუთზე ნიკა ხორხელმა გახსნა, აქედან 7 წუთში 22 წლის შემტევმა დუბლი გაიფორმა. 37-ე წუთზე გიორგი ლომთაძემ ჩამორჩენა შეამცირა.

მეორე ტაიმი "გაგრამ" აქტიურად დაიწყო, 60-ე წუთზე ზურაბ მუსელიანმა ანგარიში გაათანაბრა. 78-ე წუთზე ლომთაძემ დუბლი გაიფორმა და "გაგრა" დააწინაურა, თუმცა ყველაფერი ჯერ კიდევ წინ იყო.

82-ე წუთზე მოედანზე ცვლილებიდან შესულმა სერგო კუხიანიძემ შეაგდო (3:3). 85-ე წუთზე კი გიორგი ნიქაბაძემ თერთმეტმეტრიანი დარტყმიდან გაიტანა და "სამგურალს" მოაგებინა (4:3).

მეორე ტურში "სამგურალი" ქობულეთის "შუქურას" დაუპირისპირდება, ხოლო "გაგრა" სტუმრად "თელავს" ესტუმრება.