სუპერფინალი მივიღეთ! საფრანგეთმა მაროკო დამაჯერებლად დაამარცხა და ტიტულის დაცვას მიუახლოვდა

შეხვედრა მსოფლიოს მოქმედი ჩემპიონების გამარჯვებით 2:0 დასრულდა.

ანგარიში მე-4 წუთზე ტეო ერნანდესმა გახსნა და პირველ ტაიმში მეტი გოლი აღარ გასულა.

მეორე ნახევარში მაროკო მცირე უპირატესობას ფლობდა და ღირსეულად გამოიყურებოდა, მაგრამ საფრანგეთმა კილიან მბაპეს საოცარი ქმედების შემდეგ, ახლადშემოსული კოლო მუანის გოლით მოახერხა უპირატესობის განმტკიცება და ფინალში ადგილი გაინაღდა.

ამრიგად, საფრანგეთის ეროვნული ნაკრები მუნდიალის ფინალს ზედიზედ მეორედ გამართავს, მისი მეტოქე 18 დეკემბერს არგენტინის მაკრები იქნება.

მაროკოს ნაკრები კი მესამე ადგილის მატჩში 17 დეკემბერს ხორვატიას შეხვდება.