ტალანტების გამოსაწრთობ ქარხანაში? - მიქაუტაძით ბაზელი დაინტერესდა
საქართველოს ნაკრებისა და ბელგიური სერენის 21 წლის ფორვარდი გიორგი მიქაუტაძე ევროპული სახელოვანი გუნდის, ბაზელის ინტერესთა სფეროში მოხვდა.
ამის შესახებ ინფორმაციას Twitter-ის ანალიტიკური გვერდი footballytics ავრცელებს და წერენ, რომ ბაზელს მეცის ქართველი ფორვარდი გუნდში მყოფი ბრაზილიელი თავდამსხმელის, არტურ კაბრალის შემცვლელად წარმოუდგენელია, რომლის ტრანსფერიც კარგ ევროპულ გუნდში გარდაუვალია, მისი სათამაშო ფორმიდან გამომდინარე.
23 წლის ბრაზილიელი ფორვარდი არტურ კაბრალი ბაზელში ფანტასტიკურ შედეგებს აჩვენებს. მას შვეიცარიული კლუბის მაისურით ჩატარებულ 91 შეხვედრაში 61 გოლი და 18 ასისტი აქვს გაკეთებული. არტურმა მისი სათამაშო ხარისხით ბრაზილიის ნაკრებში გამოძახებაც დაიმსახურა.
"თავდამსხმელი გიორგი მიქაუტაძე ბაზელის სკაუტთან ყურადღების ქვეშაა. ის კარგი დრიბლიორი, გოლის გამტანი ფორვარდია, კარგად იცის პოზიციური თამაში. ამ სეზონში მისი თამაშით დიდი გუნდები დააინტერესა. ბაზელი განიხილავს არტურ კაბრალის პოტენციურ შემცვლელად, რომლის მილანში 20 მილიონ ევროდ ტრანსფერიც მწიფდება," - წერია footballytics-ის განცხადებაში.
მიმდინარე სეზონში ჩატარებულ 10 შეხვედრაში გიორგი მიქაუტაძემ 8 გოლის გატანა მოახერხა.
