ტებასი: "დიდი შანსია მბაპემ კარიერა რეალში გააგრძელოს"
![ტებასი: "დიდი შანსია მბაპემ კარიერა რეალში გააგრძელოს"](http://storage.goal.ge/uploads/posts/UCgJfeE6B5Xd6PCisVy0PmebGzou2yuY.jpg)
ესპანეთის ლა ლიგის პრეზიდენტმა, ხავიერ ტებასმა განაცხადა, რომ მბაპეს რეალში ტრანსფერის ალბათობა დიდია.
"დიდი შანსია, 50%-ზე მაღალი, რომ მბაპემ კარიერა რეალში გააგრძელოს. ეს ჩემი პირადი მოსაზრებაა და საბოლოო პასუხი რეალზე იქნება" - აღნიშნა ტებასმა.
შეგახსენებთ, რომ კილიან მბაპე პსჟ-ში 2017 წლიდან თამაშობს და ჩატარებულ 287 შეხვედრაში 240 გოლთან ერთად 104 საგოლე გადაცემა აქვს გაფორმებული. მას პარიზულ კლუბთან კონტრაქტი სეზონის ბოლოს ეწურება.