თემურ ქეცბაიამ კვიპროსის ნაკრების მთავარი მწვრთნელის პოსტი დატოვა

თემურ ქეცბაია კვიპროსის ეროვნული ნაკრების მთავარი მწვრთნელის პოსტიდან გადადგა — ინფორმაცია ოფიციალურად დადასტურდა.

56 წლის ქართველმა სპეციალისტმა კვიპროსის ნაკრები 2022 წლის ივნისში ჩაიბარა და მისი მეთაურობით გუნდმა 20 მატჩიდან 5 მოიგო, 2 ფრედ დაასრულა და 13 წააგო.

ერთა ლიგის წლევანდელ გათამაშებაში კვიპროსმა ორი შეხვედრა ჩაატარა — ლიეტუვა გასვლაზე 1-0 დაამარცხა, ხოლო კოსოვოსთან სახლში 0-4 განადგურდა.