ტენ ჰაგი: "ფრედს კოღოსავით დე იონგის დევნა და მისი არ მოსვენება დავავალე"

ერიკ ტენ ჰაგმა გაამხილა, თუ რა დავალება მისცა ბრაზილიელ ფრედს „ბარსელონასთან“ გამართულ საპასუხო მატჩში (2:1).

„ფრედმა მნიშვნელოვანი როლი ჯერ კიდევ წინა კვირას, ბარსელონაში შეასრულა. მას ფრენკი დე იონგი კოღოსავით არ უნდა მოესვენებინა, მუდამ გვერდში ჰყოლოდა და მან ეს საქმე იდეალურად შეასრულა.

წინა კვირას მან რაშფორდს ბრწყინვალე საგოლე პასი გაუკეთა, ახლა კი თავადაც გაიტანა. დიდებული მატჩი ჰქონდა.

სისწრაფე და დინამიური ფეხბურთი ძალიან მიყვარს. სტატიკური და მოსაწყენი თამაში არ მხიბლავს. მიყვარს ფეხბურთი, რომელიც გულშემატკივრებს ართობს.“, - აღნიშნა ნიდერლანდელმა.